Calendièr perpetual Se sabiatz mon país, Occitània e País català.

Calendièr perpetual Se sabiatz mon país, Occitània e País català.

Cresenças, legendas e tradicions popularas de la region Occitanie.

Parucion : lo 6 de decembre de 2019.

L’associacion CORDAE / La Talvera edita un novèl calendièr perpetual, consacrat als tretze departaments de la Region Occitanie, que, coma un cartabèl de viatge, farà descobrir mai d’una faceta, de còps escondudas, de nòstra region : aicí la pesada del Drac o del diable, alai l’esclòp dels gigants Gargantuan o Rotland, aicí una cova de les Encantades, aquí ua tuta deras Hadas, mai luènh qualque bauma de las Mitonas o de la Salvatjona

Se sabiatz mon país es un convit al viatge a l’entorn d’Occitània e del País català, amb 366 jorns plens de racontes fabuloses e de cresenças fascinantas.

Cada jorn descobriretz un recanton d’Occitània e del País català amb una fòtò, acompanhada d’un tèxte bilingüe en francés e occitan o catalan.

Despuèi dos ans, per realizar aqueste obratge, avèm rescontrat unas tres cents personas e pres mai de 5000 fòtos.

Calendièr perpetual en color amb cavalet rigid, format 15/21cm, fotografias recentas de Dominique Delpoux e autres fotografes, e fotografias ancianas.