04 Nov Novèla videò-anóncia de La Talvera
Sèm plan aüroses de vos presentar la vidèo-anóncia que la filmèt Théophile Joubert al Festival de las musicas sacradas de l’Abadiá de Silvanés lo mes d’agost de 2021, amb los mejans qu’aviá a posita.
Dempuèi gaireben 40 ans, lo grop de La Talvera s’es pas arrestat de renovelar e a cercat totjorn de far dialogar la musica tradicionala occitana ambe diferentas culturas e diferents univèrses musicals. Aquela vidèo representa lo trabalh fach los dos ans passats, que ni per tot a calgut profechar lo temps de pausa impausat per aquesta pandèmia per totjorn crear, e se tornar crear.
Es aital qu’un dialòg novèl a espelit entre los tres pilars de la Talvera, Daniel Loddo, Céline Loddo e Fabrice Rougier e los dos novèls « sauta-en-banca », Aelís Loddo e Jean-Pierre Vivent.
Volèm mercejar calorosament totes los organizators que nos an faches tornar trobar la calor de l’espectacle viu aqueste estiu. E, de segur, totes los publics e totes los dançaires que son, per un bal, tan essencials coma los musicians.
Per véser la videò, es aicí !
Amistats a totes ! E a lèu…