20 Gen Novetat : CD André Vermerie
Del temps que la cabreta rondinava (Roergue naut)
Fa ja mai de 35 ans que lo cabretaire de Pons (Sent Ipòli, Avairon), André Vermerie (1901-1990), nos daissèt.
Son estil e son repertòri atirèron en çò sieu nombroses cercaires o musicians, actors del novelum de las musicas tradicionalas a partir de las annadas 1970, e coneguèt atal son periòde de glòria. Pasmens, se lo podiá ausir que sus de rars fonogramas editats dusca ara.
Al costat de la musica pròpriament dicha, André èra un animator de trilha, que contava d’istòrias o cantava. Dins aquel disc, nos sèm esforçats de metre endavant los diferents aspèctes de sa personalitat.
Que siague ambe l’alén de contunh de son instrument o ambela vèrbia contunha de sas istòrias, es tota una region e tota una epòca que se dubrís davant nos, aquelas ont la lenga occitana bronzinava al meteis temps que la musica.